Hori dela eta, Elorrioko Udalak herritarrei erronka luzatu die irailean zehar modu jasangarrian mugi daitezen. Hori horrela, irailean egunero bizikletan joan-etorriak egiten dutenen eta hilabete osoan gutxienez 30 kilometro egiten dituztenen artean bizikleta elektriko bat zozkatuko du Elorrioko Udalak.
Erronkan parte hartu gura dutenek bikefriendly app-a deskargatu eta erabiltzailea sortu beharko dute. Ondoren, aplikazioan Elorrioko taldea topatu eta harekin bat egin beharko dute.
Bestalde, udalak jakinarazi du erakunde gisa ere parte hartuko dutela ekimenean eta udaleko langileen artean bizikleta erabiltzea sustatuko dutela.