Eskola-zerbitzua erabiltzen duten eta gaur egun, COVID-19aren ondorioz, erabiltzerik ez duten eta egoera sozioekonomiko txarrean dauden familiei diru-laguntzak emateko premiazko deialdia egin du Elorrioko Udalak. Hori horrela, familia-unitate bakoitzari 90 euroko diru-laguntza emango zaiela, eskolatutako seme-alaba bakoitzeko, jakitera eman dute.
Hau ez da arlo horretan udalak hartu duen neurri bakarra. Larrialdi egoeraren hasieran, esaterako, udalak egoera zaurgarrian egon zitezkeen familiei, elikagai-loteak banatu zizkien. Udaletik jakitera eman dutenez, laguntzaren helburua osasun-krisiaren aldi horretan adingabe horien elikadura egokia bermatzea, premia biziko elikagaiak erosita.
Onuradunak
Bestalde, udaletik jakitera eman dute ondorengo pertsonak dira onuraduna. Elorrioko udal-mugarteko ikastetxeetan eskolatutako seme-alabak dituzten familiak, diru sarrerak bermatzeko errenta, gizarte-larrialdietarako laguntzak edo Elorrioko Udalaren antzeko beste laguntza batzuk jasotzen dituztenak, baldin eta 2020ko martxoaren 1a baino lehen udalerri horretan erroldatuta badaude eta 2019-2020 ikasturtean, Eusko Jaurlaritzaren aldetik, dagokion eskola-jantokirako bekaren diru-sarrera jaso ez badute; eta aurreko laguntzak ez jaso arren, horretarako baldintzak betetzen dituztenak.