Bederatzi lagun taldegaz, bihar hasiko dute Elorrioko Txapeldunen Liga areto futbolean

Txapelketan parte hartuko duten bederatzi taldeetako ordezkarien familia argazkia.

Areto-futbola gustuko dutenei bideratutako txapelketa berri bat antolatu du Elorrioko Buskantza taldeak.

Kirola eta areto-futbola sustatzeko eta jendarteratzeko helburuz, Elorrioko Buskantza taldeak Txapeldunen Liga izeneko txapelketa antolatu du. Kirol hori gustuko duten lagun taldeei edo koadrillei bideratutako ekimena da. Bederatzi taldek eman dute izena txapelketan parte hartzeko. Gehienak Elorriokoak dira, baina Berrizkoren bat ere badago. 

Bariku honetan lehenengo jardunaldiko bi partidu jokatuko dituzte: 18:45ean, Depresion Break eta Aston Birra taldeen artekoa hasiko da, eta 20:00etan, Real Juvenil eta Estropeadiños taldeen artekoa.

Durangaldeko albiste garrantzitsuak edo azken ordukoak whatsapp bitartez jaso gura dituzu? Bidali ALTA 688 635 041 telefono zenbakira.