Proiektuaren asmoa eskola eta honen inguruak atontzea da. Egitasmoa zenbait fasetan dago banatuta eta eskolara bidean lanak eginez ekin zioten. "Udan eskolako lehenengo solairua berrantolatu dugu. Eraberritutako solairuan instituturako hiru ikasgela berri egongo dira, eta baita aldagelak eta biltegi berriak ere. Ikastetxeak zein errugbi taldeak erabiltzeko izango dira", esan du Buruagak. Horrez gainera, eskola osteko irisgarritasuna ere hobetu dute.
Bestalde, urtea amaitu aurretik Haur Hezkuntzako sarrera konponduko dute eta erabilera anitzeko pabilioian komunak ipiniko dituzte.
Lan hauen aurrekontua 663.000 eurokoa da eta lanak urte amaierarakoko amaitatuta izatea aurreikusten du Elorrioko Udalak.