Horrez gain, erasotuari eta haren inguruari laguntza osoa eskaintzen diotela esan du udalak. "Gertu izango gaituela jakitera eman nahi diogu eta bere esku jarriko ditugula behar dituen baliabide psikologikoak, juridikoak, sanitarioak, babesekoak eta harrerakoak".
Bestalde, udalak erasoaren berri izan zuenean informazio guztia batzeko, erakundeen arteko erantzuna koordinatzeko eta biktimari eta honen inguruari arreta emateko asmoz protokoloa aktibatu zutela jakitera eman dute.