Joseba Attard elorriarrak ardiei ilea mozteko Munduko Txapelketan parte hartu du

Uztailaren 4tik 7ra bitartean, ardiei ilea mozteko Munduko Txapelketa jokatu da Frantzian. Hiru urterik behin jokatzen den txapelketan, munduko moztailerik onenak batu dira, eta euren artean izan da Joseba Attard elorriarra. 

Le Dorat herrian jokatu den txapelketan 34 herrialdek parte hartu dute, eta Attardek eta bere taldekideek (bederatzi parte-hartzaile ibili dira Espainiako taldeagaz) 10. postuan amaitu dute txapelketa. Elorriarrak adierazi duenez, emaitza "oso ona" izan da eta "oso pozik" itzuli dira Munduko Txapelketatik.

Durangaldeko albiste garrantzitsuak edo azken ordukoak whatsapp bitartez jaso gura dituzu? Bidali ALTA 688 635 041 telefono zenbakira.