Elorrioko Portalekuko Gau Giron D'Caprichoko Danieuris eta Daniellis Moya ahizpen doinu kubatarrak egongo dira entzungai

Musikari kubatarrak ezagunak dira Duragaldean, izan ere, hainbat bider eskaini dituzte emanaldiak bertan. Uda honetan biran dabiltza Euskal Herrian, eta hurrengo geldialdia Elorrioko Portalekuko Gau Giro jaialdian egingo dute. Uztailaren 11n izango da kontzertua, eguenean, 21:00etan.

Besteak beste, Durangoko Tabira auzoko jaietan egon dira kantatzen hile hauetan. Baita Otxandioko Mekoleta auzoko jaietan ere. Beraz, doinu kubatarren jarraitzaileek Elorrion izango dute hurrengo aukera. 

Gau kulturalak
Gau Giro kontzertu sorta uztailaren 11n hasi zen, Gartxot bakarlariaren emanaldiagaz. Kontzertu bi gehiago geratzen dira aurretik: Wood Strings (uztailak 18) eta Raitx (uztailak 25).