Aurten arte, Erdi Aroaren itxura eman diote auzoari, baina aurten XIX. mende amaiera eta XX. mende hasiera lantzen ahaleginduko direla jakitera eman dute antolatzaileek. "Gure aitita-amamen sasoiko ogibideak erakutsi gura ditugu, gaur egun desagertuta daudenak", nabarmendu dute.
Olazar auzo elkartekoek egun osoko egitaraua antolatu dute zapaturako. 11:00etan hasita, San Agustinera doazenek azoka ikusteko aukera izango dute. 13:00etan, erakusketen azalpenak emango dituzte eta, 15:00etan, bazkaria egingo dute.