Buzkatz parkean kokatuta egongo den skate parkerako ekarpenak jaso asmoz, Elorrioko Udalak bilera bat egingo du herriko gazteekin barikuan. Udalak prentsa ohar bidez jakitera eman duenez, proiektuaren erredakzioa lizitatuta dagoen arren, herriko gazteekin proiektuaren ezaugarriak kontrastatu gura dituzte.
“Besteak beste, Buzkantz parkea gazteentzako aisialdi gunea izatea nahi dugu, eta, horretarako, behar-beharrezkoa ikusten dugu proiektua beraiekin batera lantzea", adierazi du Idoia Buruaga alkateak. Bestalde, parkearen obrekin hasteko dena prest dutela jakitera eman du, soilik soilik URAren, Euskal Ur Agentziaren baimena falta zaiela.