Espresioen sinkronia honek zenbait geruzatan irudikatuko ditu pertsonaia nagusiaren gorputz-gatazka: kanpo eta barne ahotsen tentsioak, nortasunen artekoak… Askotariko sinbolo-geruzetan arakatzea da kontua.
Horrela, Lua Kastore lanean erabiltzen dituzten adierazpen modu guztien artean, poetikotasunari ematen diote garrantzia, bereziki. Baita edozein keinu txikik sortu dezakeen zentzuari ere. Nortasun handiko atmosfera bat sortzeko helburua du lanak.
Ma Kolektiboaren proiektuak antzerki-sorkuntza sustatzea helburu duen Joseba Jaka Sorkuntza Beka irabazi zuen iaz. Urtebeteko lanaren emaitza da ikusiko dena.