Sun Magoaren ikuskizunagaz, Elorrioko Arriola 'Lilularen laborategi' bilakatuko da, gaur

Aritz Maldonado 2019ko mar. 3a, 11:30

Magiaren sekretuak ezagutzeko aukera izango dute elorriarrek gaur, hilak 3. Laborategi erraldoi bilakatuko da Arriola, eta Maria Urcelay eta Na Gomes bertako zientzialariak izango dira. Bestalde, Sun magoa Ladelai Mago Handia bilakatuko da.

Hiruren artean, fantasia mundu bat eraikiko dute, ordubetez. Lebitazioak, agerpenak, hipnosiak... hainbat dira magoak menperatzen dituen teknikak, eta ikusle txiki zein nagusiak liluratuta utziko ditu erritmo biziko ikuskizunean. Ikuskizunaren bidez, gauza berriak irakatsi gura dituzte modu jolasgarrian. Juanjo Oterok egin ditu zuzendari lanak, eta Miguel Molina da egilea.

Zuzeneko musika
Ikuskizun osoan, publikoagaz konexioa bilatuko dute Ladelaik eta zientzialari biek. Horretarako, magia trukoez gainera, zuzeneko musika egongo da ."Inork inoiz ahaztuko ez duen ikuskizuna izango da", egin dute gonbidapena artistek.

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!