Joana Mancisidor artista izan da irudiaren egilea. Aurkezpenean, Laumunarrieta 1937 elkarteko kideak eta udal ordezkariak izan dira, besteak beste.
Elorrioko Memoria Historikoa lantzen dabilen Laumunarrieta 1937 elkarteak Gerra Zibilean Elorriok jasandako bonbardaketa oroitzen duen murala aurkeztu du. Elkarteak herriko memoria historikoa aztertea eta transmititzea du helburu. Besteak beste, 1936 eta 1946 urteen artean Elorrion zer gertatu zen ikertzeko beka bat jarri du martxan Elorrioko Udalagaz elkarlanean. Emaitzak udaberrian egingo dira publiko.