"Elorrioko kutsadura mailaz eta gure familien osasunaz arduratutako herritar talde batek osatzen dugu plataforma", esan dute deialdian. Euren esanetan, helburu "argi" bat izango dute euren jardunean: "kutsadura gabeko etorkizun bat".
Boroako zentralaz
Bestalde, domeka goizean Boroako zentral termikoan "kutsadura nabarmena" gertatu zela salatu du Airearen Kalitatearen Aldeko Plataformak. hainbat herritarrek argazkiak igo zituzten domekan ke hori bat isuri zela erakusteko. Egoera horregatik "haserrea" agertu gura izan du plataformak. Gainera, Durangaldeko alkateei eta Eusko Jaurlaritzari "herritarren osasunaz arduratzea" eskatu die. "Harrigarria oraindik ere Durangaldeko alkate gehienek ez dutela kutsaduraren arazoa, arazo garrantzitsu bat bezala hartzen", uste dute.