Bigarren urtez jarraian Elorrio Osasuntsua dinamika martxan jarri dute. Domeka honetan txoko ludikoegaz emango diote hasiera ekimenari. "Ekimen honekin jarduera fisikoa egitea eta Elorrioko kultura bultzatzea gura dugu", adierazi du Endika Muruamendiaraz Athloneko kideak. Horrez gain, herritarren artean "ohitura osasuntsuak" bultzatu gura dituztela esan du Dani Palacios zinegotziak.
Zazpi ekintza desberdinez osatuta egongo den igande osasuntsua herritar guztientzat izango dela jakitera eman dute antolatzaileek. Horrez gain, Elorrio Osasuntsua ekimenaren barruan eskola kirola eta kirol astea ere sartzen direla jakitera eman dute.
Ekintzen egitaraua:
Azaroaren 25ean Txoko Ludikoak
Abenduaren 16an Herri Kirolak
Urtarrilaren 27an Urban Kirolak
Otsailaren 24an Natur Jarduerak
Martxoaren 31n Familiarteko Triatloia
Maiatzaren 5ean 3X3 Basket
Ekainaren 9an Pisten Jolasa