Berrio-Otxoa eguna ospatzen dabiltza Elorrion

Maialen Zuazubiskar 2018ko uzt. 4a, 14:18

Berrio-Otxoa eguna, herriko patroiaren eguna, ospatzen dabiltza Elorrion. Santu eta Bizkaiko zaindarikidearen omenezko ospakizunak 12:00etan hasi dira, herriko basilikan, meza nagusiagaz.

Aurretik, Jose Antonio Ardanza lehendakari ohiagaz eta Ana Otadui Batzar Nagusietako presidenteagaz batera, Idoia Buruaga alkateak eta zenbait udal ordezkarik udaletxetik basilikarainoko bidea egin zuten, txistularien doinupean. 

Meza ostean, luntxa egin dute Berrio Otxoa kalean eta arratsalderako umeentzako jolasak antolatu dituzte. Jai egunari amaiera, Berrio-Otxoa abesbatzaren kontzertuarekin emango diote.
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!