anboto.org

'Zaintza barik, bizitzarik ez' ikastaroak 20 emakume batu ditu Elorrion

  Gizartea  Elorrio

Zaintzan aritzen diren emakume migranteentzako ikastaroa burutu dute Elorrion.

Zaintza arloan gaitasun teknikoak handitzea eta emakume migranteen baliabideak haziarazi asmoz, Elorrioko Udalak 'zaintza barik, bizitzarik ez' ikastaroa antolatu zuen. Asteon amaitu den ikastaroan 20 emakume inguruk parte-hartu dutela jakitera eman du udalak eta herriko hainbat eragilerekin zein Osakidetzarekin eginiko proiektua dela jakitera eman dute. Bestalde, partehartzaileen gogobetetasuna “oso altua” izan dela aitortu dute Idoia Buruaga alkateak eta Aratxu Uriarte Berdintasun arloko zinegotziak.

“Askorentzat ikusgaitzak diren arren, emakume hauek egiten duten lana balio handikoa izaten da guztiontzat. Izaten dituzten baldintzak kaxkarrak izaten dira batzuetan, eta aurretik izaten duten ezagutza, eskasa, besteetan. Langile horiek ahaldundu nahi izan ditugu, beraien ahalduntzearekin denok irabazten dugulako, bai beraiek eta baita guk”, adierazi dute Buruagak eta Uriartek.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa