Hamaika tabernaren artean antolatu dute jaietako egitaraua, eta barikuan, adibidez, 19:30ean Sakatu Punk elektrotxaranga egongo da eta 23:00etan Anita Parkerren kontzertua egongo da Ateneoan.
Zapatu arratsaldean, 17:00etan, plazako frontoian pilota partiduak eskainiko dituzte pilota eskolakoek eta 18:30ean hasita Luhartz taldearen erromeria ere egongo da. 23:00etatik aurrera, berriz, Enders, Storm eta DJ Jokin Alonso Gaztetxean ariko dira.
Domekan 10:00etatik 15:00etara 3R azoka egongo da, bigarren eskukoen azoka. Beste behin, Elorrioko hainbat ekoizleek kontsumo era jasangarriagoa bultzatzeko asmoagaz antolatu dute azoka. Bestalde, 12:00etatik aurrera Txapito Guzman eta Ibarrako Langostinuek taldeak azoka eta Erreka kalea girotuko ditu.