24 Ordu Digitalean guztiz errotuta dago elorriarren artean, izan ere, hamabigarrenez egingo dute aurten. Iazko edizioan, hamalau taldek parte hartu zuten lehiaketan, eta horietako zortzi elorriarrek osaturikoak ziren. “Herriko taldeek ohitura dute astebururako plana urtez urte errepikatzea; guretzat oso garrantzitsua da ikus-entzunezko sorkuntzagaz lotutako ekimena herrian finkatuta ikustea”, diote antolatzaileek.
Elorrion eginiko film horiek, zapatuan, 22:00etan hasiko den emanaldian ikusi ahalko dituzte gero. Emanaldiari herriko antzerki talde batek eman ohi dio hasiera.
Lan horrek guztiak badu bere ordain ekonomikoa ere. Hiru finalistek sari ekonomikoa dute. Halere, saririk onena sortzen den giroa dela azpimarratu dute antolatzaileek .“Arazo teknikorik edo badago, bertan konpontzeko ahalegina egiten dugu, 24 orduko ahalegina pantaila handian gozatzeko plazerra guztiok izan dezagun” , gaineratu dute.