'Elorrio zabaltzen' aplikazioa aurkeztuko dute, bihar, herritarren aurrean. Aplikazioaren bitartez, elorriarrek udaleko oharrak jasotzeko aukera izango dute, eta webgunean idatzitako albisteak zuzenean beraien mugikorrean jasoko dituzte.
Bestalde, aplikazio berri honi esker, Kalezaindu erraminta ere eskuragai izango dute herritarrek. Kalezainduren bidez, udalerrian matxura edota kalteren bat antzeman duten pertsonek zuzenean bidal ahalko dute oharra udalera, beraien telefonoa erabilita.