Duela bi urte sorturiko bikotea da Doble Capa, Arianne Piconek bateriagaz eta Mario Navajasek gitarragaz osatzen dutena. Suave con la canoa izenburua daukan euren lehenengo lana aurkeztuko dute madrildarrek Elorrioko zuzenekoan.
Antzerki emanaldi bat izango da Arriolan kurtso honetarako antolatu duten bigarrena. Irailaren 22an, 20:30ean, La novia de Don Quijote obra eskainiko dute Elorrioko antzokian.
Dulcinea protagonista
José Luis Estebanek idatziriko testuan oinarrituta, José Carlos Garciak zuzenduriko antzezlana da irailaren 22an ikusgai izango den La novia de Don Quijote. Mercedes Castro da obrako antzezle bakarra. On Kixoteren heriotzaren ostean, Cervantesek nobelan emandako paperaren kontra egingo du Castrok antzeztuko duen Dulcinearen pertsonaiak.