Aurten lehenengoz eskainiko duten poesiari buruzko tailer horretarako ezezik, aurreko urteetan ere eskaini izan dituzten irakurle klubetan, Azalerako ipuinak tailerrean eta Liburuen Poltsa ekimenean parte hartzeko izen-ematea ere zabalduko dute irailaren 11n.
Peru Magdalena idazle durangarrak dinamizatuko ditu helduen euskarazko eta gaztelerazko irakurleen klubak, eta hilean behin elkartuko dira, Elorrioko Liburutegian. Dagoeneko argitaratu dituzte urri, azaro eta abendurako irakurketa proposamenak.
Gurasoek eta 3 eta 8 urte arteko seme-alabek literaturzaletasuna elkarregaz gozatzea da, bestalde, Liburuen Poltsa ekimenaren jomuga; eta 3 urte artekoentzako eskaintza da Azalerako Ipuinak ekimena.