Elorrioko Udalak prentsa oharrean azaldu duenez, gizona ondoezik sentitu denean, igerilekuko soroslea bera artatzera joan da eta kide baten laguntzaz igerilekutik atera dute. Zantzuen arabera, bihotzekoak eman dio.Suspertze ariketak egiten zizkioten bitartean, udaltzaingoa, anbulantzia eta Ertzaintza bertaratu dira. Ordubetez erreanimatzen ahalegindu dira baina ez dute lortu. Gertaera igerilekuan izan denez eta ezbeharra bestelako arrazoien ondorioz gertatu ez dela ziurtatzeko, bihar autopsia egingo diote hildakoari.
Elorrioko Udalak doluminak helarazi dizkie familia eta lagun guztiei. Era berean, Elorrioko Udalak, erakutsi duten arduragatik, eskerrak eman dizkie sorospen lanetan jardun duten pertsona guztiei.