Bestalde, datozen asteetan eskalada horman eta Eleizaldeko futbol-zelaian konponketak egingo dituztela jakinarazi du Elorrioko Udalak. Eskalada hormako instalazioetan prebentziozko lanak egin, eta han dagoen material guztia aztertuko dute. Horrez gain, hormako egituran egon daitezkeen arazoak aztertu eta bertako panelak margotuko dituztela adierazi du Elorrioko Udalak, ohar bidez.
Eleizaldeko futbol-zelaiari dagokionez, aurreko udan aldatutako zelai artifizialagaz izandako zenbait arazori konponbidea jarriko diotela jakitera eman dute. Orain egingo dituzten lanak zelaia aldatu zuen enpresak egingo ditu, inolako kostu gehigarririk barik.
Bestalde, Eleizaldeko aldageletan asteburuetan sortzen den leku faltari aurre egiteko, udalak eta BPXport Kirol Zerbitzuak enpresa akordio batera heldu direla jakitera eman dute. Hortaz, futbol-zelaiko jokalariek udako igerilekuetako aldagelak erabiltzeko aukera izango dute.