Bonbardaketak utzitako gorpuen bila Elorrion

Maialen Zuazubiskar 2017ko mai. 18a, 13:55

Elorrio bonbardeatu zutenetik 80 urte bete diren honetan Elorrioko Udala eta urte hasieran sortu zen herriko talde bat memoria historikoa lantzen dihardute. Aste honetan, lehen indusketa lanak egiten dituzte Aranzadi elkarteko kideek.

Idoia Buruaga Elorrioko alkateak jakitera eman duenez  bonbardaketako testigantza batzuk Elorrioko Santa Lutzia ermitaren inguruan gorpuak zeudela uste zuten. Orduan, Aranzadikoekin egon, gunea begiratu eta aztertzea erabaki zuten. Hala ere, lehen lan hauetan “zoritxarrez” gorpuzkirik aurkitu ez dutela adierazi du alkateak. Horrez gain, memoria historikoa lantzen eta testigantzak batzen jarraituko dutela gaineratu du Idoia Buruagak.

Jimi Jimenez Aranzadiko kideak, berriz, Santa Lutzian hobi komun bat aurkitzen saiatu zirela, baina, begiratu zuten lekuan ezer ez dutela topatu adierazi du.

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!