Euria, haize boladak… ez zen giro izan domekako lasterketan. 597 korrikalarik lortu zuten helmugara arteko bidea egitea eta Aitor Mimenza (Elorrio, 1991) izan zen denetan azkarrena. 1.10.03-ko denboran osatu zituen 21 kilometroak. Proba osoan zehar nagusitasuna erakutsi zuen eta sei minututik gora atera zizkion Aitor Erregerena bigarren sailkatuari.
Mimenzak bigarren urtez jarraian irabazi du Bizkaiko Zubia maratoi erdia. Eguraldi eskasak iazko denbora (1.08.59) hobetzea eragotzi zion.