Sindikatuak jakitera eman duenez, 2017an Euskal Herrian lan istripuz hil den zortzigarren langilea izan da elorriokoa. Atzoko istripuaren atzean, lan baldintzen prekarietatea, enpresaren egoera eta laneko erritmo bortitza daudela adierazi dute. Metal Smelting enpresak egindako kaleratzeak eta "bertan dagoen presioa eta laneko erritmoa guztiz salagarriak" direla adierazi dute ohar bidez LABeko kideek. Guzti horrekin bukatu beharra dagoela esan dute sindikatukoek.