Gaur, 18:30ean egingo da herritarrekin lehenengo bilera Iturri Kultur Etxean. Honetaz gain, beste hainbat bilera egingo dituzte sektoreka bananduta. 20an hezkuntza esparruko eragileei zuzendutako saioa izango da; eta udal barruko egoera zein den ezagutzeko asmoz, beste bi egingo dituzte: 25ean ordezkari poltikoekin eta 26an bertako langileekin.
“Etorkizunari begirako lerroak” ezarri nahi dituzte Berdintasun Sailetik eta horretarako “herritarren lehentasunetatik eta beharrizanetatik” abiatu behar direla adierazi dute. Elorrioko emakumeen eta gizonen berdintasunaren egoera nolakoa den ezagutzeko bilerak izango dira hauek.