Abenduaren 23an, 18:30ean, Arriola antzokian izango da kontzertu berezia. Musika eskolako arduradunek adierazi dutenez, kanta eta bere bideoklipa biltzen dituen diskoa ere kaleratuko dute datorren astean.
Urteurreneko kantaren musika Mikel Gaztañaga eskolako irakasleak sortu du, eta Jose Garaizabal bertsolari elorriarrak egindakoa da letra.
Mungiako Gaua estudioan grabatu zuten kanta, azaro erdialdean, eta hilabete amaierarako bideoklipa ere prest zeukaten musikari elorriarrek. Elorrioko hainbat txokotan grabatutako irudiekin osotu dute bideoklipa.