Gaur hasi da epaiketa Bilbon, baina akusazioak egun hartako grabazio bat aurkeztu du azken orduan, eta defentsak atzerapena eskatu du horregatik. Epaileak onartuta, egun batzuetan ez da beste saiorik egingo. Fiskalak urte biko kartzela zigorra eskatu du Morenorentzat, eta lau urtekoa Herrero zein Ugarrizarentzat, aginteari atentatua egitea egotzita.
Sortuko Bizkaiko arlo instituzionaleko arduraduna da gaur egun Moreno, eta Elorrioko koordinatzailea Herrero. Alderdiak kontzentrazioa egin du epaitegiaren atarian, Konponbide garaia da, Jazarpen politikorik ez lemapean.