Elorrioko jauregiak eta plazak munduko kulturen erakusleiho, Musikaireri esker

Anboto 2013ko eka. 30a, 09:02
Deskargatu Info Ahotsak :

Asteburuan hasi da Musikaire 2013; eta hamaika musika eta antzerki emanaldi dakartza Elorriora

\"\"Asteburuan da Musikaire 2013; eta hamaika musika eta antzerki emanaldi dakartza Elorriora.

 

Vieux Farka Touré malitarrak —aldameneko argazkiko musikariak— itxiko du, uztailaren 28an, aurtengo Musikaire jaialdia. Gaur hasita, eta uztail osoan, munduko kulturen erakusleiho izango dira Elorrioko plazak eta jauregiak. Hamaika emanaldi eskainiko ditu Musikaire jaialdiaren programazioak: denak doakoak eta herritar guztiei irekiak. Zortzi musika emanaldi, dantza ikuskizun bat eta musikal eta antzerki emanaldi

 

Egitaraua
  • Ekainaren 30ean, 20:00etan, Lariz Jauregian, Garikoitz Mendizabal 
  • Uztailaren 5ean, 22:30ean, Lariz jauregian Antonia Font
  • Uztailaren 6an, 22:30ean, Lariz jauregian Jerez Texas
  • Uztailaren 7an, 22:30ean, plazan Peter Pan musikala
  • Uztailaren 12an, 22:30ean, plazan En el nombre de la rosa
  • Uztailaren 13an, 22:30ean, plazan Benito Lertxundi
  • Uztailaren 19an, 20:00etan, Tola jauregian Hasier Oleaga Quintet
  • Uztailaren 20an, 22:30ean, Tola jauregian Alondra Bentley
  • Uztailaren 26an, 22:30ean, plazan Diouke
  • Uztailaren 27an, 22:30ean, plazan Dantzaz konpainia
  • Uztailaren 28an, 22:30ean, plazan Vieux Farka Touré
bana izango dira aurten.

 

 

 

Garikoitz Mendizabal txistulariak zabalduko du, gaur, Musikaire, eta Kepa Junkera, Pello Ramirez, Mariano Santamaria, Xabier Zabala, Oihane Igerbide eta Iñaki Telleria musikari handiek lagunduta jardungo du Lariz jauregiko emanaldian. Instrumentu tradizional horrekiko “aurreiritziak apurtzea” izango dute saio horretan  helburu.

 

Euskal Herriko beste hainbat musikari handik ere joko dute datozen asteetan, Elorrion: batetik, Oroimenaren oraina lana eskainiko du Benito Lertxundik uztailaren 13an, Elorrioko plazan; eta bestetik, bi belaunalditako lau jazzlari euskaldun handik lagunduta jardungo du Hasier Oleaga bateria jotzaileak, uztailaren 19ko emanaldian. Harekin batera, Iñaki Salvador, Jon Piris, Mikel Andueza eta Julen Izarra dira Hasier Oleaga Quintet.

 

Goi mailako musikari euskaldunez gainera, munduko beste txoko batzuetakoak ere bildu ditu Musikaire jaialdiak: flamenkoa eta jazza uztartzen dituen Jerez Texas, Alondra Bentley, Diouke, Antonia Font... Estilo anitzekoak, eta kalitate handikoak den-denak.

 

 

 


Antzerkia, musikal bat eta dantza, egitarau berean

 

\'En el nombre de la rosa\' antzezlana, ‘Peter Pan’ musikala, eta Dantzaz konpainiaren emanaldia ere izango dira ikusgai

 

Umberto Eco idazlearen izen bereko nobelan oinarrituriko antzezlana dakar Ados Teatroa konpainiak, Musikairera. Uztailaren 12an, 22:30ean eskainiko dute. Intrigaz beteriko istorioa da En el nombre de la rosa lanekoa: abadetxe batean gertaturiko hilketa susmagarriak argitu nahian, Guillermo de Baskerville eta haren ikaslearen ibilerak kontatzen ditu. Karra Elejalde eta Juan José Ballesta dira obrako antzezle nagusiak.

 

\"\"

 

Arrakasta handiko Bergarako Musika Eskolako kideen Peter Pan musikala ere barne hartzen du Elorrioko 2013ko Musikaire jaialdiak. Musika eskola horretako ikasleen eta irakasleen talde instrumentalak eta umeen abesbatzak jardungo dute ikuskizun horretan.

 

Dantza garaikideko ikuskizuna dakar, bestalde, Dantzaz konpainiak, Elorriora: Itzik Galili eta Jacek Przybylowicz koreografo ezagunak gonbidatu dituzte lan horretan parte hartzera.

 

 

Kultura Elorrio
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!