Emad Burnat kameralari eta argazkilari palestinarraren eta Israelen jaiotako Guy Dvidi dokumentalista eta zine irakaslearen dokumentala eskainiko dute, Elorrioko Hilean Behin jaialdian, gaur iluntzean. Iturri kultur etxean, 19:30ean da emanaldia.
Zisjordanian bizi den gazte baten istorioa da Bost bideo-kamera apurtuta. Bost urte eta beste horrenbeste kamera behar izango ditu gazteak "bere herriak, israeldar zapalkuntzaren aurrean erakutsitako erresistentziaren historia grabatzeko". Palestinarren erresistentzia pazifikoa "lehenengo lerrotik" erakusten du dokumentalak.