Gaztetxoen taldeak apirilean ekingo dio Bizkaiko finalera heltzeko azken faseari.
Elorrioko hiru ikastetxeren artean antolatutako Elorrio futbol taldea ligako txapeldun izan da eskola kirolean, B2 multzoan. Horregaz, Bizkaiko txapelketa jokatzeko aukera ere lortu dute, eta apirilaren 21ean ekingo diote finalera sailkatzeko azken fase erabakiorrari.
Denboaldi borobila osatu dute. Liga osoan lau puntuk bakarrik ihes egin diete: berdinketa eta porrot bana. Gainerako hamahiru neurketak irabazi egin dituzte. Multzoko bigarren talderik golegileena ere izan dira, 78 golegaz, 80 sartu dituen Derioren atzetik.