Egoera surrealistak korapilatzen ditu ‘Wilt, panpina puzgarriaren hilketa’ antzezlanak. Umore beltzeko Wilt eleberrian oinarrituta sortu du Ados Teatroak martxoaren 23an Elorrioko Arriolara ekarriko duen obra.
Garbi Losadak zuzendu du antzezlana, eta esperientzia handiko aktoreek gorpuzten dituzte hogeita bi hizkuntzatara itzuli duten liburuaren protagonistak: Mikel Laskurain, Isidoro Fernandez, Aitziber Garmendia, Miren Gojenola eta Koldo Losadak.
![\"\"](\"/fc_imagenes/wiltbarruan.jpg\")
Egoera surrealistak bata besteagaz korapilatzen dituen argumentua du Wilt, panpina puzgarriaren hilketa obrak. Pertsonaia arruntetatik abiatzen da narrazioa, eta “gizarte neurotiko eta galdua” irudikatzen duten hainbat egoera erakusten ditu.
Zuzentasunaren eta kulturaren estereotipoak zalantzan ipintzen ditu Ados taldeak Elorrioko Arriolan eskainiko duen antzezlanak: konbentzioak barregarri uzten ditu ikuskizun dibertigarri, garratz eta entretenigarrian.