29 eta 18 kilometroko ibilbide biez gainera, gaztetxoentzako beste bat prestatu dute.
Elorrioko Txirrindulari Elkarteak XIII. Mendi Bizikleta Martxa ibilaldia antolatu du domekan. Lasterketa 10:00etan hasiko dute Herriko Plazan, eta ibilbide bi prestatu dituzte: 29 eta 18 kilometrokoak. Gaztetxoentzako zazpi kilometroko beste ibilbide bat ere prestatu dute.
Izen-ematea 09:00etan hasiko da, plazan bertan. Federatuentzako euro bi da izen-ematea, eta federatu bakoentzako 14 euro, lizentzia eta eguneko asegurua izan dezaten. Dutxak eta bizikletak garbitzeko guneak egongo dira, eta ondoren jan-edana banatuko dute parte-hartzaileen artean.
Ibilbide luzea egitea aukeratzen dutenek 900 metroko desnibel positiboa gainditu beharko dute.Besteak beste, Betsaidetik igoroko dira.