Eusko Jaurlaritzako Kultura Sailak eta Ibaia eta EPE-APV ekoizleen elkarteek sortu dute Zineuskadi elkartea. Oraingoz, Gipuzkoa eta Bizkaiako zortzi herrik egin dute elkarteagaz bat; tartean, Elorriok.
Eguaztenean aurkeztu zituzten elkartea eta bere helburuak: Blanca Urgell kultura sailburuak azaldu zuenez, EAEko “ikus-entzunezko sektorearen garapenean laguntzea eta enpresak zein profesionalak bultzatzea” da helburua.
![\"\"](\"/fc_imagenes/zineuskadibarruan.jpg\")
Herrietako aretoen digitalizaioa
Zineuskadiko Mikel Toral presidenteak aurkezpenean aipatu zuenez, “gertueneko, herrietako zinema aretoen digitalizazioa da proiektu honetan giltzarria”.
Areto komertzialetan lekua egitea oso zail izaten dutela ekoizleek azpimarratu dute ekimenaren bultzatzaileek, eta arazo horri irtenbidea emateko sortu dutela, besteak beste, elkartea.
Blanca Urgellek azaldu zuenez, departamentuaren 120.000 euroko diru-laguntza jaso du proiektuak. Aretoen sarea sortzera bideratuko dituzte 52.000.