Elorrioko Zaldi Baltza xake taldeak antolatu du. Arratsaldeko 16:00etan hasiko da.
Elorrioko Zaldi Baltza xake taldeak antolatuta, X. Xake-azkarreko Txapelketa jokatuko da zapatuan, 16:00etan hasita; lau jokalarik osaturiko taldeek elkarren kontra jokatu beharko dute bost minutuko partidetan.
Hamar urte hauetan txapelketa egonkortu den arren, azken urteetako parte-hartze apalena izango du aurtengo txapelketak; “Urtero etortzen diren talde batzuek arazoak izan dituzte taldea osatu eta etortzeko” azaldu du Aitor Arabiotorre Zaldi Baltzako kideak. Aurten 11-12 talde arituko dira nor baino nor gehiago. Elorriokoaz gainera, Abadiño eta S. Ajedrecistica (Logroño) dira faboritoak.
Bestalde, Arabiotorre “pozik” agertu da taldeak eginiko denboraldiagaz; A taldeak Bizkaiko Liga Gorenera igotzea lortu du, eta B taldea, ostera, Lehen Mailan arituko da datorren denboraldian.