Hilean Behin zikloaren barruan, ekaineko proposamen legez eskainiko dute Elorrioko Iturri kultur etxean Screaming Men izenburua duen dokumentala. Ekainaren 9an, 19:30ean, izango da emanaldia.
Finlandian sorturiko eta gizonezkoek osatutako abesbatza berezi bat da dokumentalaren haria osatzen duena; fimaren laburpenean jasotzen denez, “errepertorioa oihuka interpretatzen duen korua”.
Abesbatzak emanaldia munduko edozein lekutan egiten duela ere, aurkezpenean esaten dutenez, entzulegoaren erantzuna beti omen da berdina: harridura.
Lau urtez finlandieraz Mieskuoro Huutajat izena daukan abesbatzaren kide izan zen Mika Ronkainen-ek zuzendurikoa da 2002an aurkeztu zuten dokumentala. Nazioarteko hainbat jaialditan jaso izan ditu lanak sariak.