Estelarrean debutatuko du ostiralean Iñaki Larrinagak

Pozik dago mutila eta ez da gutxiagorako. Ostiralean Aspegaz debutatuko du Iñaki Larrinagak; non, eta etxean, Elorrioko pilotalekuan, zaleen babesagaz; norekin, eta Sebastian Gonzalez lau t\'erdiko txapeldunarekin; nola, eta jaialdiko partidu estelarrean. Aritz Lasa eta Fernando Goñi izango ditu aurkari. Jaildiaren berri eman ziotenean, \"harridura eta poza\" eskutik etorri zitzaizkiola onartzen du: \"Debut gatxa da, exigitentea, baina benetan ilusio handia eragin didana\". Animorik ez zaio faltako elorriarrari. Lagunak, senideak eta pilotazale oro batuko da frontoian: \"Harmailetatik jasoko dudan berotasuna ahal dodan neurrian bueltzen ahaleginduko naiz\". Atarikoan Apezetxea-Urberuaga eta Cabrerizo II-Galartza VI neurtuko dira.