Finalak aurkezteaz gain, txapelketak aurten izan duen harrera bikaina azpimarratu zuten aurkezleek. Laurehun pilotari inguruk hartu dute aurten parte eta horietariko ume gehienek parte hartze soilarekin erakutsi zuten poztasuna azpimarragarria dela nabarmendu zuten.
Finalaurrekoak gaur eta bihar izango dira. Gaur arratsaldeko 18:00etan Abadiñon eta bihar arratsaldeko 16:30etan Mallabian. Finalak, ordea, Elorrion izango dira datorren urtarrilaren 25ean 19:00etan eta 26an 16:30etan. Niko Moreno Elorrioko alkateak pilotariak ondo hartuak izango direla aurreratu zuen eta pilota munduan bere laguntza eskaini zuen. Arandok, Berriotxoa esku pilota taldeko delegatuak bere aldetik, pilotaren alorrean oraindik eginbehar handia dagoela azpimarratu zuen.
Orain arteko harrera ezinhobea ikusita beste horrenbeste urtetan berdin jarraitzeko nahia agertu zuen Fernando Azkarate pilotari ohiak. Karlos Garciak ere harrera azpimarratu nahi izan zuen eta finalera begira jende andana itxaroten dutela adierazi zuen.