Mankomunitateko Zaindu zerbitzuak eta Osakidetzak Bizitzaren amaieran laguntzea eta zaintzea izeneko prestakuntza saioa antolatu dute urriaren 21erako. Berbaldia mendekotasun-egoeran dauden pertsonak zaintzen dituzten senideei zuzenduta dago, eta bizitzaren amaierako zaintzaren inguruko informazioa eta orientazioa eskaintzea du helburu.
César Pinargote Osakidetzako Lehen Mailako Arretako komunitate-erizainak emango du berbaldia, eta senide zaintzaileek izan ohi dituzten zalantza eta kezkei erantzuteko tartea ere hartuko du. Saioa Durangoko Elkartegian izango da, 15:30etik 17:00etara. Parte hartu gura dutenek edo informazio gehiago jaso nahi dutenek Zaindu zerbitzuarekin jar daitezke harremanetan 680 425 764 telefonoan edo zaindu@dma.eus helbidean.