[EGITARAUA]: Leire Martinez, Gar, Latzen eta Txori Soro Gogoan, besteak beste, Durangoko San Fausto Jaietan

Durangoko Udalak 2026ko San Fausto jaietako egitaraua aurkeztu du gaur goizean. Urriaren 10etik 18ra bitartean egingo diren jaiek berriz ere giro alaiaz betetko dituzte udalerriko kaleak, musikaz, kulturaz, tradizioaz, kirolaz eta adin guztietako herritarrentzako jarduerez osatutako eskaintzarekin. 169 jardueraz osatutako egitaraua Jai Batzordearen, udalaren eta elkarte, kultur talde eta kirol erakundeen arteko elkarlanari esker osatu da. "San Fausto jaiak Durangoko egutegiko hitzordu garrantzitsuenetarako bat dira, durangarrok kalera irten, elkarrekin egon, parte hartu eta jai giroaz gozatzeko unea da. Urtero bezaal, elkarte eta kolektiboen inplikazioari esker dira posible jai hauek, ospakizun zabal, anitz eta guztientzat ireki bihurtzen dituztenak. Durangoko elkarte-sarea benetako altxorra da, eta gure udalerriaren nortasunaren funtsezko parte bat", adierazi du Mireia Elkoroiribe alkateak.

Jesica Ruiz jaietako zinegotziak, berriz, nabarmendu gura izan du aurtengo jaietan berdintasuna indartu gura dutela. "Berdintasuna indartu nahi izan dugu, emakumeen presentzia nabarmenarekin, kultura aniztasuna, tradizioa eta musika uztartu ditugu. Baita ikuskizunak, familia jarduerak, kirol proposamenak eta auzoetan bultzatutako ekimenak ere", gaineratu du Ruizek. Nobedadeetako bat emakumeen presentzia nabarmena izango da programazioan, Leire Martinez, Goxo Txaranga, Lasque fantaBAND eta Aroa Berrozpe ariko dira, besteak beste, sanfaustoetan.  

Musikarekin jarraituta, egitarauan belaunaldi arteko proposamen musikalak ere jasotzen dira, hala nola, Gar, 11 ikusteko jaioak, Sorotan Bele Gogoan, Latzen, Bingo Musikala, 48280, Xiberoots, eta Txori Soro Gogoan egongo dira, besteak beste. "Guretzako oso berezia da sanfaustoeko programaren parte izatea. Baina oraindik eta bereziagoa Durangon Landakoko Sotoak izatea. Durangon leku bat dugu artea eta kultura sustatzeko. Eta hemendik eskerrak eman beharrean gaude. Horrelako espazioak beharrezkoak dira eta", esan du Jon Garcia musikariak. 

Nobedade hauez gain, beste hainbat ere izango dira. Tartean  nekazaritza azoka berreskuratuko dute eta 'Patxikotxu auzoz auzo' ekimena martxan jarriko dute. Ruizek nabarmendu duenez, ekimen bi hauek jai batzordearen proposamena izan dira. 

Bestalde, Arantza Arrazola San Agustin Kulturguneko koordinatzaileak azpimarratu du jaiek irauten duten zazpi egunetan zortzi ikuskizun egongo direla, eta herritarrei hauetan parte hartzeko deia luzatu diete. 

• 08:00   Perretxikoen bilketa. Irteera Ezkurditik. Antolatzailea: Errotari Elkarte Mikologikoa.
• 09:00-14:00    XVI. Durangoko Azoka ekologikoa Andra Marian. Antolatzailea: Marisatsa elkartea.
• 10:00   Durangoko Duatloia Tabiran. Antolatzailea: Mugarra Triatloi Taldea.
  10:00 Lasterketa inklusiboa eta umeena
  12:00 Duatloi herrikoia
  16:00 Mendi duatloia
• 16:00   Kluben arteko lagunarteko xake txapelketa. Merkatu Plaza berrian. Antolatzailea: Larrasoloeta Xake Taldea.
• 18:00   “MIGUEL PIEDRA MEMORIALA” 41. San Fausto Nazioarteko Zesta Punta Txapelketa. Finalerdiak Ezkurdi Jai Alai pilotalekuan. Neskak, mutilak jubenilak eta 22 urtetik azpikoak. Antolatzailea: Durango Jai Alai Zesta Punta Eskola.        

• 10:00 Arku-tiro Txapelketa Landako Gunean: Bizkaiko RAUS autonomikoa eta San Faustoko arku-tiro txapelketa. Antolatzailea: Durangoko arkulariak.
• 10:30   “MIGUEL PIEDRA MEMORIALA” 41. San Fausto Nazioarteko Zesta Punta Txapelketa. Finalerdiak Ezkurdi Jai Alai pilotalekuan.
  Neskak, mutilak jubenilak eta 22 urtetik azpikoak.
  Antolatzailea: Durango Jai Alai Zesta Punta Eskola.
• 11:00   XXVI. Mikologia erakusketaren edizioa, XXV. Argazki mikologikoen lehiaketa eta perretxikoak sailkatzeko 16 urtetik beherakoentzako XXV. Lehiaketa Landako Gunean. Antolatzailea: Errotari Mikologia Elkartea. 

• Mus, tute, briska, igel eta billar txapelketen hasiera nagusientzat. Izen-ematea doakoa izango da, urriaren 1etik 5era arte, adinekoen udal egoitzako kafetegian. Plazak zozketa bidez emango dira urriaren 6an. Laguntzaileak: Cafés Baqué eta Txukun kafetegia.

• 09:00 "San Fausto Jaiak" mendi-ibilaldia: ibilbide zirkularra Durangoko inguruetatik (10 km). Irteera Andra Mariko elizpetik. Antolatzailea: Bizidun adinekoen elkartea.
• 17:00-21:00    Durangoko pilota eskolako umetxoen partiduak San Fausto pilotalekuan. Antolatzailea: Durango Pelotazale Kluba.
• 18:00   XXVI. “Durango Uria” lehiaketako margolanen erakusketaren inaugurazioa Ezkurdi Aretoan. Antolatzailea: Durangaldeko Artisten Elkartea.
• 19:00   Kalejira Santa Anatik txosnagunera BROKEN BROTHERS BRASS BANDarekin. Antolatzailea: Txosna Batzordea.
• 21:00   Txupinazoa txosnagunean INTXAURRE kultur elkartearen eskutik.
• 21:30   Kontzertuak txosnagunean: FOSIL, MOONSHINERDS eta KATU.

• 10:30              Patxikotxuri ongi etorria San Fausto auzoan. Patxikotxu San Fausto auzotik ibiliko da eta berarekin argazkiak egiteko aukera egongo da: Patxikotxu auzoz auzo. Ongi etorri, Patxikotxu!! Laguntzailea: San Fausto Gizarte Zentroa.
• 10:30-14:00    Nesken pelota, pala eta federatuen partiduak Ezkurdi Jai Alai pilotalekuan. Antolatzailea: Durango Pelotazale Kluba.
• 11:00   Musika animazioa XAIBOR-rekin San Fausto auzoan.
• 12:00   TABIRA MUSIKA BANDAK emanaldia eskainiko du J.M. Barandiaran egoitzan.
• 12:00   Gazte eguneko kamiseta banaketa. Antolatzailea: Txosna Batzordea.
• 12:30    Kuadrillen jaitsiera udaletxeko plazaraino IRULITXA FANFARREArekin.
• 13:00   Txupinazoa udaletxeko plazan SASIKOA KIROL KLUBAren eskutik. Gora San Fausto Jaiak! (Zeinu-hizkuntza interpretea egongo da).
• 13:00   Txupinazoa zuzenean pantaila erraldoian Andra Mariko elizpean.
• 13:15   “SAN FAUSTOKO JAIAK: AINTZINA eta GAUR EGUNGO BIZIPENAK” argazkien bideoa. Andra Mariko elizpean jarriko den pantailan.
• 14:30   Gazte eguneko bazkaria txosnagunean. Ostean, jolasak. (Euria bada, Kurutziaga ikastolan).
• 16:00-24:00    Ghanako jaia: artisautza, musika eta dantza Santa Ana plazan United of Ghana Durango kultur elkartearen eskutik.
• 17:00   Txikientzako berbena Ibaizabal Parkean: Boom Boom musika saioa.
• 17:00-22:00    Animazio musikala San Fausto auzotik tabernaz taberna PRIMO BAYO txarangarekin. Antolatzailea: San Fausto Gizarte Zentroa.
• 17:00- 22:00   “Txori Soro Gogoan”: 80 eta 90eko hamarkadetako musika Plateruenan, diskotekan egon zen TXUTXI DJ historikoarekin, PEKE eta RAYÓN DJekin. Sonia y Selenaren “Yo quiero bailar” edo Boney M-en “River of Babilon” kantak gogoratzeko prest? Anima zaitez!
• 17:00   MAUXITXA txaranga txosnagunetik hasita.
• 17:30   Senegaleko erritmoak M´LOMP elkartearekin udaletxeko plazatik hasita.
• 18:30   LA PARADETA antzerki eta zirko ikuskizuna Cía. Vermut-en eskutik, Aurora Abasolo parkean. (Euria bada, Nevers ikastetxean).
• 19:30 – 22:30 Blusatxaranga LATUNA BANDO txarangarekin Ezkurditik, Alde Zaharra eta udaletxe plazara.
• 20:00   Kontzertua Andra Mariko elizpean: SOROTAN BELE GOGOAN, TABIRA MUSIKA BANDA eta B. ERTZILLA KONTSERBATORIOKO IKASLEAK.
• 21:30   Afrikako musika GHANAKO TXARANGArekin Alde Zaharretik.
• 22:00   Disko dantza San Fausto auzoan. (Euria bada, karpan).
• 22:00   Kontzertuak txosnagunean: SKAREAGEKASKO, AIMAR Z eta KENE.MP3.
• 22:30   LATZEN taldearen kontzertua Ezkurdin.

• 7:00     Diana JAIZALE taldeko txistulariekin.
• 7:30     Zezenak Dira dultzaineroekin.
• 8:30  Sukalki txapelketa Landako Gunean. Laguntzaileak: Hiper Eroski Abadiño eta Cafés Baqué. Izen-ematea: Intxaurrondo Gazte eta Kultur Gunean, irailaren 21etik aurrera, plazak bete arte. Ordutegia:
• 09:00-14:00. Arauak www.durango-udala.eus webgunean ikusgai.
• 10:30-14:30    Artisau azoka Eixu Artisau Elkartearen eskutik Ezkurdin.
• 11:00-13:00 San Fausto haur marrazki lehiaketa San Fausto auzoan. Adina: 6 urtetik 17ra. Antolatzailea: San Fausto Gizarte Zentroa.
• 11:00–14:00 Txikientzako parkea Landako eskolan: bebeteka, ludoteka, puzgarriak, tailerrak… (Euria bada, Landako eskolako frontoian).
• 11:00–14:00 Gaztetxoentzako gunea Ibaizabal parkean: barredora, tragabola puzgarria, bubble    football-a, wipi puzgarria, tailerrak… (Euria bada, San Antonio ikastetxean).
• 11:00   Artisau azoka txosnagunean.
• 11:30   Ingelesezko ipuin kontaketa Ezkurdiko kioskoan (3-8 urte). Antolatzailea: KIDS&US. (Euria bada, Jesuitak ikastetxean).
• 12:00   Poniak eta zaldiak Ibaizabal parkean. (Euria bada, ez da egingo).
• 12:00   Umeentzako jolasak KALAKAren eskutik txosnagunean.
• 12:00   Kalejira Musika Eskolako txistulariekin.
• 12:30   HAATIK Dantza Taldearekin IOI ikuskizuna Aurora Abasolo Parkean. (Euria bada, Nevers ikastetxean).
• 12:30   Kalejira Alde Zaharretik Astarloa otxotea eta Iruñako ahots TALDEArekin.
• 13:00   Kontzertu akustikoa IÑAKI SEVILLA eta PERI IBAÑEZekin udaletxeko plazan.
• 13:00   Dantza erakustaldia txosnagunean.
• 14:00   Herri bazkaria San Fausto auzoan. Antolatzailea: San Fausto Gizarte Zentroa.
• 16:00–19:00 Txikientzako parkea Landako eskolan. (Euria bada, Landako Eskolako frontoian).
• 16:00   Durangoko Xake Aktiboko II. Opena merkatu plaza berrian. Antolatzailea: Larrasoloeta Xake Taldea.
• 16:00   Txiki Txef tailerrak Ezkurdin: fruta brotxetak txokolatearekin, taloak eta galletak. (Euria bada, San Antonio ikastetxeko frontoian).
• 16:30   Sukalki bazkaloste musikatua MINIANN DJarekin Landako Gunean.
• 16:30   Patxikotxu auzoz auzo. Patxikotxurekin argazkiak ateratzeko aukera Ibaizabal parkean. Laguntzailea: Auzo Alai elkartea.
• 17:00   Adin guztientzako herri kirol parte hartzaileak Ibaizabal parkean. Familian gozatu! Antolatzailea: Auzo Alai elkartea.
• 17:00   Karropoteo Kuirra Pinondotik. Antolatzailea: Txosna Batzordea.
• 18:00   “MIGUEL PIEDRA MEMORIALA” 41. San Fausto Nazioarteko Zesta Punta Txapelketa. Finalak Ezkurdi Jai Alai pilotalekuan.  Neskak, mutilak jubenilak eta 22 urtetik azpikoak. Antolatzailea: Durango Jai Alai Zesta Punta Eskola.
• 18:00   Animazio musikala Alde Zaharretik neskez osatutako txarangarekin: GOXO TXARANGA.
• 18:30   ERTZA DANTZA Garaikide Konpainiak “Otempodiz” eta “Un ‘we” piezak aurkeztuko ditu Aurora Abasolo parkean. (Euria bada, Nevers ikastetxean).
• 19:00   BINGO MUSIKATUA Madalena auzoan: 90 temazo, umorea, sariak eta ondo pasatzeko aukera paregabea. Etorri! Ez zara damutuko!
• 20:00   Musika kubatarra euskaraz TIKTARA taldearekin Santa Ana Plazan. (Euria bada, Plateruenan).
• 20:00-22:00    Umeentzako disko dantza San Fausto auzoan. (Euria bada, karpan).
• 21:00   Musika eta erritmo animatua LAS QUE FALTABAND taldearekin Andra Mariko elizpean.
• 22:00   Disko dantza San Fausto auzoan. (Euria bada, karpan).
• 22:30   GFG -Gazte Foro Gaua- Ezkurdin: 48280 eta XIBEROOTS.
• 23:00   Kontzertuak txosnagunean: PUTAS AMAK, MARTE LASARTE, eta SIWANABA. 

* Durango Rugby Taldeko eguna. proposatutako mozorroa: Far West- Mendebalde Urruna.

• 7:00     Diana JAIZALE taldeko txistulariekin.
• 7:30     Zezenak Dira dultzaineroekin.
• 10:30-14:30    Nekazaritza azoka Merkatu Plaza inguruetan.
• 11:00–14:00 Txikientzako parkea Landako eskolan. (Euria bada, Landako eskolako frontoian).
• 11:00–14:00 Gaztetxoentzako jolasak Ibaizabal parkean. (Euria bada, San Antonio ikastetxean).
• 11:30   Buruhandiak eta Erraldoiak Alde Zaharrean KIETB Bermeoko Erraldoi Txikien Konpartsarekin eta Río de Oro elkartearekin. Irteera: San Agustinalde.
• 12:00-14:00 Haurrentzako tailerrak Ibaizabal parkean. Antolatzailea: Inurri Eskaut Taldea. (Euria bada, San Antonio ikastetxean).
• 12:00   Kalejira Musika Eskolako txistulariekin.                                                          
• 12:15   Club Deportivo Wado Kan Karate-Ninjutsu arte martzialen kalejira Urkiola kaletik Alde Zaharrera. Ondoren, erakustaldia Ezkurdin. (Euria bada, Jesuitak ikastetxean).
• 12:30   Patxikotxuren kalejira JESUITAK ikastetxeko Txupinero Txikiek lagunduta Ezkurditik udaletxeraino.
• 13:00   Txupinazo txikia JESUITAK ikastetxearen eskutik udaletxeko plazan.
• Ondoren, euskal dantzak Durangoko dantzariekin Andra Mariko elizpean.
• 14:00   Nagusientzako bazkaria Landako Gunean orkestrak girotua.
• 16:00–19:00 Txikientzako parkea Landako eskolan. (Euria bada, Landako eskolako frontoian).
• 16:30   Patxikotxu auzoz auzo. Patxikotxurekin argazkiak ateratzeko aukera Muruetatorre auzoan. Laguntzailea: Murueta Torre Auzo Elkartea.
• 17:00   Tortilla txapelketa San Fausto auzoan. Tortillak aurkezteko epea: 19:00etan. Sari banaketa: 19:30etan. Antolatzailea: San Fausto Gizarte Zentroa.
• 17:00   Bitsa jaia eta txokolatada Murueta Torre auzoan. Antolatzailea: Murueta Torre Auzo Elkartea.
• 17:30   JENGA txapelketa TORNEOS DURANGO elkartearen eskutik Ezkurdin. (Euria bada, San Antonio ikastetxean).
• 17:30   Trebezia jolasak Ezkurdin. (Euria bada, San Antonio ikastetxean).
• 17:30   Hurbildu jazzera JAZZ FOR CHILDREN taldearekin Andra Mariko elizpean.
• 17:30   Ikasi batxata eta ilara-dantza Muruetatorre auzoan. Ondoren, dantzaldia. Antolatzailea: Murueta Torre Auzo Elkartea. (Euria bada, Plateruenan).
• 18:30   Banana Flup umorezko antzezlana Cía. Street Fools-en eskutik Aurora Abasolo parkean. (Euria bada, Nevers ikastetxean).
• 19:00   Kontzertua txosnetan: CRISTOPHER SIMPSON & MAR LAGE “Kuba eta Kataluinia”.
• 19:00   ANGEL MARTÍN monologista San Agustin kultur gunean “Somos monos” ikuskizunarekin (Sarrera: 18 €).
• 21:00   Durangoko taldeen gaua Ezkurdin: IZAR RECORDS-PLATERUENA LEHIAKETAREN IRABAZLEA, 11 ikusteko Jaioak eta GAR.    
• 22:00   DJ maratoi herrikoia txosnagunean.

• 7:00     Diana JAIZALE taldeko txistulariekin.
• 7:30     Zezenak Dira dultzaineroekin.
• 10:00–12:00   Durango Irratia airean! 107.8 FM solasaldiak. Zuzeneko programazioa Ezkurdiko kioskotik udal ordezkariekin eta herritarrekin.
• 11:00–14:00 Txikientzako parkea Landako eskolan. (Euria bada, Landako eskolako frontoian).
• 11:00–14:00 Gaztetxoentzako jolasak Ibaizabal parkean. (Euria bada, San Antonio ikastetxean).
• 11:00   Meza nagusia San Fausto elizan.
• 11:00   Paella txapelketa San Fausto auzoan. Paellak aurkezteko epea: 14:00etan. Sari banaketa 14:30etan. Antolatzailea: San Fausto Gizarte Zentroa.
• 11:00   Umeentzako xake txapelketa. Merkatu Plaza berrian. Antolatzailea: Larrasoloeta Xake Taldea.
• 11:30–14:30 Haurrentzako puzgarriak San Fausto frontoian.
• 12:00   Kalejira Musika Eskolako txistulariekin.
• 12:00   Paella txapelketa txosnagunean. Paellen aurkezpena: 14:30etan.
• 12:00   Ingurugiroko tailerrak Tabira parkean.
• 12:30   Txalaparta, ohorezko aurreskua eta artopilen banaketa udaletxeko plazan.  Ondoren, Durangoko dantzariak. Amaitzeko: Larrain dantza. (Euria bada, Andra Mariko elizpean). Pertsonako bi artopil bakarrik emango dira.
• 13:00   Kantusaioa EGUNDO i taldearekin Alde Zaharretik.
• 13:00   Familientzako magia ikuskizuna txosnagunean: POTX MAGOA.
• 16:00–19:00 Txikientzako parkea Landako eskolan. (Euria bada, Landako eskolako frontoian).
• 17:00   Txokolatada San Fausto auzoan. Antolatzailea: San Fausto Gizarte Zentroa.
• 17:00   Mañaria errekaren jaitsiera Tabiratik. Antolatzailea: Txosna Batzordea.
• 17:30   Kontu kantari 2 Musika eta txotxongiloak, La Enana Naranja konpainiarekin Aurora Abasolo Parkean. (Euria bada, Nevers Ikastetxean).
• 18:00   Umeentzako jolasak San Fausto auzoan. Antolatzailea: San Fausto Gizarte Zentroa.
• 18:00   Dantzaro Ezkurdin: PATXI ETA KONPAINIA taldea. (Euria bada, Plateruenan).
• 19:00   ANGEL MARTÍN MONOLOGUISTA San Agustin kultur gunean “Somos monos” ikuskizunarekin (Sarrera: 18 €).
• 19:00   Elektro fanfarria txikientzako Durangoko kaleetatik.
• 20:00   60-70eko hamarkadako abestien bertsioak REVIVAL taldearekin. La chica yeyé, Karinaren abestiak edo Toni Ronald-en Help, ayúdame kantak dantzatzeko aukera Andra Mariko elizpean.

• 17:00-22:00    PILOTA FEST Ezkurdi Jai Alai pilotalekuan. Antolatzailea: Durango Pelotazale Kluba.
• 17:30 BALOI ESERI txapelketa merkatu plazan. Antolatzailea: Torneos Durango.
• 18:00 – 20:00 Formatu handiko zirku tailerrak ZIRKUN ZIRKOren eskutik Aurora Abasolo Parkean. (Euria bada, Andra Mariko Elizpean).
• 19:00   Tortilla txapelketa txosnagunean.
• 19:30   Kantusaioa BENTAZAHARREKO MUTIKO ALAIAK taldearekin Otamotzena parketik.
• 20:00   Durangoko abesbatzen kontzertua Santa Ana elizan: ZEZILI, BOGORODITSIE, DURANGOKO ORFEOIA eta Izar Gaztea.
• 21:00   Umore-saioa AROA BERROZPErekin Andra Mariko elizpean.
• 22:00   DRAG TXOUA txosnagunean: MARITXU HANKATXU eta IGURTZI SERRANO.
• 22:00   Bertsolariak San Agustin Kultur Gunean: TXABER Altube Sarrionandia, Gorka Pagonabarraga Agorria, Aitor Etxebarriazarraga Gabiola, Onintza Enbeita Maguregi, Maddi Ane Txoperena Iribarren eta Oihana Iguaran Barandiaran. Gai-jartzailea: Ainhoa Urien Telletxe. Gonbidapen zenbakituak Arte eta Historia Museoan, urriaren 9tik aurrera.
• 22:30   Kontzertua Ezkurdin: LEIRE MARTÍNEZ.
• 23:00   Kontzertuak txosnagunean: THE IIINGLES eta MJPQ.

Etxera eguna txosnagunean. Mozorroaren gaia: “Durangaldeko fauna eta flora”

• 7:00     Diana JAIZALE taldeko txistulariekin.
• 7:30     Zezenak Dira dultzaineroekin.
• 11:00–14:00 Txikientzako parkea Landako eskolan. (Euria bada, Landako eskolako frontoian).
• 11:00–14:00 Haur tailerrak ASEBIER elkartearen eskutik Landako eskolan. (Euria bada, Landako eskolako frontoian).
• 11:00   Xake txapelketa federatu gabe eta gazteentzat Ezkurdin. Izen-ematea txapelketa hasi baino ordu erdi lehenago edo ajedrez.durango@gmail.com Antolatzailea: Larrasoloeta Xake Taldea.             
• 12:00   Kalejira Musika Eskolako txistulariekin.
• 12:00   Kalejira trikitilariekin TXIRI TXIRI taldearen eskutik.
• 12:00   XVII. Patata tortilla txapelketa Landako Gunean. Mailak: 15 urtetik beherakoak / 16 urtetik gorakoak. Izen ematea: Intxaurrondo Gazte eta Kultur Gunean, irailaren 28tik, plazak bukatu arte. Ordutegia: 09:00-14:00. Arauak www.durango-udala.eus webean ikusgai. Laguntzaileak: Dendak Bai, Bapo Bapo eta Cafés Baqué.
• 13:00   Aperitibo musikatua LUHARTZ taldearekin Andra Mariko elizpean.
• 13:00   “Durango Uria” XXVI. Margo Lehiaketaren sari banaketa Ezkurdiko erakusketa aretoan. Antolatzailea: Durangaldeko Artisten Elkartea.
• 13:30   Karro poteoa KATXARRO karrozarekin Santa Anatik hasita.
• 14:30   Elkartasun bazkaria txosnagunean ZIGOR ITURRIETAk kozinatua. Ondoren, ekitaldia eta kontzertu parte-hartzailea OIER ASLArekin. Antolatzailea: Txosna Batzordea.
• 16:00–19:00 Txikientzako parkea Landako eskolan. (Euria bada, Landako eskolako frontoian).
• 16:30   OLGETAN. Mahai jokoen tailerra. Merkatu berrian.
• 18:00   Kalejira SUGARRI fanfarrearekin (50. Urteurrena).
• 18:30   Mozorro desfile koloretsua. Batu taldetxo bat eta parte hartu Madalenatik Andra Mariko elizperaino. Bukaeran, sari zozketa mundiala. (Euria bada, Andra Mariko elizpean). Izen ematea urriaren 1etik 15era Intxaurrondo Gazte eta Kultur Gunean. Ordutegia: 09:00-14:00, edo www.durango-udala.eus webgunean. Laguntzaileak: Dendak Bai.
• 18:30   La última y nos vamos. Halaxe agurtzen dira erretiroa hartu aurretik Trapu Zaharra eta Santi Ugalde, euskal kale antzerkiaren eta umorearen erreferenteak, Aurora Abasolo parkean. (Euria bada, Nevers Ikastetxean).
• 20:00   Erromeria LUHARTZ taldearekin Andra Mariko elizpean.
• 22:30   Kontzertuak txosnagunean: ALARMA MOREA, SEDIENTOS DE CUMBIA eta XAUKENA XAUK.
• 23:00   ALASKA ON TOUR ORKESTRA Ezkurdin.
• 23:00-02:00    Alkoholemia kontrolaren stand informatiboa Landako Guneko plazan  (txosnagunean). Antolatzailea: Durangaldeko Mankomunitateko Drogamenpekotasunen Prebentziorako Arloa.

• 7:00     Diana JAIZALE taldeko txistulariekin.
• 7:30     Zezenak Dira dultzaineroekin.
• 11:00   San Fausto XIV. emakumezkoen eta gizonezkoen padel txapelketaren finalak Landako kiroldegian. Antolatzailea: Padelzaleak.
• 11:30–14:30 Txikientzako parkea Landako eskolan. (Euria bada, Landako eskolako frontoian).
• 11:30–14:30 Gaztetxoentzako jolasak Ibaizabal parkean. (Euria bada, Landako Gunean).
• 11:30   Patxikotxu auzoz auzo. Patxikotxurekin argazkiak ateratzeko aukera Tabira auzoan. Laguntzailea: Tabira auzo elkartea.
• 12:00   Poniak eta zaldiak Tabirako parkean. (Euria bada, ez da egingo).
• 12:00   Arku tiroketa stan-a Tabirako parkean. Antolatzailea: Durangoko Arkulariak
• 12:00   Kalejira Musika Eskolako txistulariekin.
• 12:00   Marrazki Lehiaketaren sari banaketa San Fausto auzoan. Antolatzailea: San Fausto Gizarte Zentroa.
• 12:30   Herri kirolak Ezkurdin: Aizkolariak: Hodei Ezpeleta, Agirre, Beltza eta Bihurri. Aizkolari gaztetxoak: Enara (8 urte) eta Aratz (12 urte) Beltza Harri jasotzen: Patricia Martín (egungo Euskal Herriko txapelduna) Txinga eta Ingudeak: Ainhoa Larrinoa Iparraldeko Jokoak: Aretxabaleta (Euria bada, Landako Gunean).
• 12:30   TABERNA IBILTARIArekin kantu saioa udaletxeko plazan.
• 17:00   Dantza modernoa, garaikidea eta urbanoa L´ATELIER DANTZA ESKOLA-ren eskutik Ezkurdin.
• 17:00   Patxikotxu auzoz auzo. Patxikotxurekin argazkiak ateratzeko aukera Otamotzena Parkean. Laguntzailea: Herria auzo elkartea.
• 17:30   Meraki zirko ikuskizuna Edu Manazas konpainiarekin Otamotzena parkean. (Euria bada, Nevers ikastetxean).
• 18:00 Mariatxiak RUMBO A TIJUANA taldearekin Andra Mariko elizpean.
• 18:30   Kalejira DUNBOTS fanfarrearekin Otamotzena Parketik udaletxera.
• 19:30   Patxikotxuri eta jaiei agur esateko kalejira udaletxeko plazatik hasita tren-kotxera zaharretaraino.
• 20:00   Jaien bukaera su artifizialekin tren-kotxera zaharretan.

• 20:00   Durango Txistu Kontzertua 2026 Landako Gunean. Antolatzailea: Silboberri Txistu Elkartea.

• 08:00   Durangoko III. Mendi Martxa. Izena emateko: www.kirolprobak.com Ibilbide luzea (25 km.): Irteera (Landako Gunetik): 8:00 Ibilbide laburra (14 km.): Irteera (Landako Gunetik): 9:00 Antolatzailea: Alpino Tabira Mendi Kluba.
• 12:00   57. Umeen Euskal Jaia. Talde guztiak Landako Gunean elkartuko dira, kalejira egingo dute eta ondoren    alardea Ezkurdi plazan. (Euria bada, Landako Gunean). Antolatzaileak: Tronperri Dantza Taldea eta Txoritxu Alai Dantza Taldea.