Bizkaiko elizbarrutiak Durangon hasiko du ikasturte berria, domeka honetan. Alkartuta lemapean, Bizkaiko hainbat lekutako parrokiak, taldeak eta komunitateak batuko dira egun osoko egitaraua ospatzeko. Topaleku nagusia Andra Mariko basilika izango da. Bertan egingo dituzte harrera ekitaldia eta hasierako otoitza. Ondoren, taillerrak eta jarduerak egingo dituzte udalerriko hainbat tokitan: San Frantziskoko monstarioan, Santa Anako elizan, Zugaza zineman eta San Antonio ikastetxean. Jardunaldia amaitzeko, erromeria izango dute 15:00etan. Egunean zehar, mila lagun inguru batuko direla aurreikusi dute.
Bilboko goitzaina Durangon
Joseba Segura Bilboko goitzainak ekitaldian parte hartuko du. Ikasturte berriko erronkak aurkeztuko ditu jendaurrean. Bere berbaldiak eleizbarrutiaren hurrengo hilebeteetarako lehentasunak azpimarratuko ditu: eliza parte-hartzaileagoan aurrera egiteko asmoa iragarriko du, baita pertsona eta askotariko taldeen ekarpenez elikatzeko asmoa, elkarrekin lan egin ahal izateko.
Bzkaria San Antonion
14:00etan, bazkaria egingo dute San Antonio ikastetxean. Elizbarrutiko iturriek jakinarazi dutenez, 700 lagunek eman dute bazkarirako izena. Marmitakoa izango dute plater nagusi.