Lehiaketak speedcubing-eko hamaika modalitate bilduko ditu, eta irailaren 20ko domekan 16:30ean egingo den sari banaketagaz amaituko da.
Hasiberrientzako ikastaroa
Antolatzaileek azaldu dutenez, topaketa ez da kuboak egiten esperientzia dutenentzat izango bakarrik. Irailaren 18an, 16:00etatik 18:00etara, doako tailerra eskainiko dute Rubik kuboa osatzen ikasteko, zaletasun honetan lehenengo urratsak egin gura dituztenei zuzenduta. Jardueraren helburua pantailarik bako aisialdi-proposamenak bultzatzea da, eta, aldi berean, parte hartzaileen bizkortasuna eta trebetasuna probatzea.