Hobekuntza lanak San Fauston

Durangoko Udalak mantenu eta hobekuntza lanak egin ditu abuztuan zehar San Fauston. Udal brigadak aparkaleku inguruko hondakinak kendu, Nafarroa plazako irisgarritasuna hobetu eta barneko patioetako lorategi txikiak egokitu ditu, mantentze-lanak errazteko. Hurrengo asteetan eta neguan zehar, lorazaintza eta mantenu lan gehiago egitea aurreikusi dute, "auzoa irisgarriago eta atseginago egiteko helburuarekin".