Opera ikusteko prezio bereziak udan, Durangoko erretiratuentzat

E.H. 2026ko uztailaren 16a
Deskargatu Info Ahotsak :

Durangoko Udalak eta Zugaza zinemak Ópera Summer kanpaina abiatu dute, 65 urtetik gorako herritarrei opera hurbiltzeko asmoz. Uztailetik irailera bitartean, nazioarteko jaialdi ospetsuenetako lau ekoizpen proiektatuko dira: Aida (uztailak 22), Otello (abuztuak 5), Carmen (irailak 2) eta Nabucco (irailak 16).

Udalaren dirulaguntzari eskerrak, adinekoek 4,50 eta 7 euro artean ordainduko dute sarrera, segun eta emanaldia zuzenekoa edo geroratua den. Udalak azaldu du egitasmo arrakastatsua dela opera saioena. Iaz, 582 lagun bertaratu ziren saioetara. Programa honekin batera, adinekoek astelehenetan zinemara 2 euroan joateko aukera izaten jarraitzen dute.

Gizartea Durango
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!