Master mailako kluben Espainiako txapelketan garaile izan dira Durango Kirol Taldeko (DKT) emakumeak, 115 puntugaz. Barcelona At. (109) eta Nutrisport Biznaga-Malaga (104) kublek osatu dute podiuma, bigarren eta hirugarren postua lortu ondoren. Gainera, DKTko Valvanera Guridik errekorra lortu du du 200 metroko lasterketan.
Pista estalian ere onenak
DKTko emakume masterrak estatu mailako erreferenteak dira une honetan. Izan ere, aire librean eskuratutako garaipenari, iazko abenduan pista estalian lortutakoa gehitu behar zaio. Valentzian lehiatutako txapelketan txapeldun geratu ziren.
Urtea joan eta urtea etorri, DKTren talde hau onenen artean mantentzen da nahiz eta hiri handietako talde indartsuen aurka lehiatzea egokitzen zaien.