Minbiziaren Aurkako Elkartea kalera irtengo da bihar, larruazaleko minbiziaren prebentzioaz sentsibilizatzeko. Boluntarioek udal kiroldegietan atonduko dituzte informazio mahaiak, 10:30etik 12:30era, eta prebentzio mezuak, pegatinak eta kartelak ipiniko dituzte eskuragarri. Kanpainak Babestuta dago, baina bere larruazala ez izango du goiburu.
Elkarteak gogorarazi du larruazaleko minbizia erradiazio ultramorearen eraginez sortzen dela, eta eguzki-argia zein iturri artifizialak (eguzki-kabinek, adibidez) direla sortzaile. "Izan ere, melanomen % 80 baino gehiago eta kartzinomen % 95 erradiazio ultramoreak eragiten ditu. Beraz, prebenitu daitekeen minbizi mota bat da. Eguzki-erradiazioaz gain, arriskuaren pertzepzio txikia, erreduren normalizazioa eta beltzarantzearen ideal estetikoa ere oztopo dira intzidentzia murrizteko", azaldu du elkarteak.
2023an, 433 melanoma kasu berri diagnostikatu zituzten Araban, Bizkaian eta Gipuzkoan. Horietariko asko "saihesgarriak" zirela esan du Minbiziaren Aurkako Elkarteak. Halaber, elkarteak zehaztu du urteko eguzki erradiazioaren %60-65 udaz kanpoko hilabeteetan jasotzen dela.
Uztailean zehar antzera bateko kanpaina egingo dute Zornotzan.