Taldeka, Durango Kirol Taldea (DKT) geratu zen txapeldun, bai gizonetan eta bai emakumeetan. DKTko atletek urrezko 12 domina, zilarrezko lau eta brontzezko bi irabazi zituzten.
Emakumeetan, besteak beste, Irati Solabarrietak 11:78ko denboran egin zituen 100 metroak. Denbora horri esker bosgarren kokatu da Espainiako behin behineko sailkapenean. Beraz, "uztailean Albaceten izango den txapelketarako ondo kokatuta dago", DKTko arduradunek ohar batean nabarmendu dutenez. Gizonetan, DKTk erabateko nagusitasuna erakutsi zuen: 135 puntu batu zituen, bigarren sailkatuak baino 40 gehiago.