Neurririk esanguratsuenetako bat Sasikoan hartuko dute: lineako aparkalekuko 90 metro inguru kenduko dituzte, hau da, 15 bat aparkaleku. Udalak erabakia arrazoitu du: "Egiaztatu da egungo galtzadaren zabalerak 3,30 eta 3,40 metro artean neurtzen duela, eta baterian zein lerroan dagoen aparkalekuak zailtasunak sortzen dituela zirkulazioan. Horrek maniobrak zailtzen ditu eta herritarren artean segurtasun-ezaren pertzepzioa eragiten du, nahiz eta abiadura murriztuko bidea izan". Hori horrela, aparkalekuak kenduko dituzte, eta segurtasun zerrenda bat sortuko dute oinezkoen eta gidarien segurtasun-pertzepzioa hobetzeko. Lan horiek 21.138 euroko aurrekontua izango dute.
Bestalde, Artzetaungana kalean (Landako eta Olleria kaleetatik gertu) zirkulazioaren noranzkoa aldatuko dute. Aldaketa horren helburua Abadiñorako eta N-634 errepiderako lotura zuzenagoa eskaintzea da, ibilgailuek Txibitenatik eta osasun zentroko biribilgunetik igaro behar izatea saihesteko.
Udalak esan du esku-hartze horiek udalerriko mugikortasun estrategiaren parte diraela, bide seguruagoak eta ordenatuagoak lortzeko.
