Adinekoen zentro berria zelan diseinatu hausnartuko dute Durangon

E.H. 2026ko ekainaren 8a
Deskargatu Info Ahotsak :

Durangoko udal euskaltegi zaharra, 2022an, Saibi kalean.

Durangoko Udalak topaketa herritarra antolatu du ekainaren 11rako. Saibi kaleko eraikinean egingo dute (garai bateko udal euskaltegian), 17:00etan, etorkizunean bertan atonduko dute-eta adinekoen zentro berria. 

Topaketan, etorkizuneko zentroari buruzkoak aletuko dituzte, hala nola ekipamenduaren erabilera eta funtzionamendu-eredua. Durangoko Udalak gogorarazi du egitasmo hau adinekoen beharren diagnostikoaren hirugarren fasea da. Aurreko fasean 247 inkesta jaso zituzten, eta baturiko informazio hori guztia zentroaren zerbitzuak eta kudeaketa orientatzeko erabiliko dute. Udalak 50.000 euroko partida bideratu du proiektua idazteko, adinekoen autonomia eta ongizatea sustatuko duen gune irisgarri bat bermatzeko. Topaketan parte hartzeko, interesdunek 680 425 761 telefono zenbakira deitu edo WhatsApp mezua bidali behar dute.

Gizartea Durango
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!